與舊同學文華東方high tea

原本上星期日約咗中學同學游水，

不過講吓講吓就轉咗陀決定去high tea，

所以3 Queens就去咗mandarin oriental hotel啦~

我哋叫咗兩sets + 3杯唔同口味飲品。

大家喺喪影一輪之後就開始品嚐啦~

頭兩層都是咸點，最底層是甜點，另外還有鬆餅，

當中甜點有兩件是中西薈萃的phantom of the opera & 中國象棋，還蠻特別呢~

我試了opera，初時以為蛋糕是芝麻味，但最終都係試唔出咩味，失敗!!!

不過蛋糕幾鬆軟，可惜甜了點。

至於咸點就很對我口味，我吃了最上層最右邊的蔥蛋包包+中間芝士包包，

麵包頗軟，而且味道剛好，不太咸。

仲有好出名的鬆餅，配上又係多人熱愛的玫瑰士多啤梨醬+牛油，

簡直一絶!!!

一路嘆一路開始咗我哋的"non-stop車輪會議"啦~

車厘小姐還送我倆中秋小禮物，很窩心呢~~

新生活

最近接咗一份新part-time。

這個工作對我而言係一個新挑戰，

行業和職位之前完全未接觸過，

所以內心一路都有種莫名忐忑的感覺。

今天剛好3星期，同事們對我很好，

不過仍然唔係好習慣，

但機會唔係常常有，當遇到就要嘗試，如果最終係失敗都叫做無後悔過呀~~

zakka ~ handmade yoyo布簾

最近很想為自己做一點事，

例如又handmade一啲實用物品。

突然醒起很早以前將紅酒木箱改裝成兩層櫃仔，然後用嚟放公仔雜物。

不過無遮無掩，好容易封塵，

同埋依家想將個櫃仔用嚟放其他嘢，

所以決定做張yoyo布簾俾佢，

仲有遮遮掩掩睇落無咁雜亂嘛~~

搞掂咗!!!!!

嚟緊仲會做張巨型簾遮住書櫃!!!

哈哈哈哈!!!!

尋回鬥志

我有一個習慣。

間唔時就會逼自己做一啲唔鍾意or唔想做的事。

就如選擇了跑步一樣。

就如買了一對黑色波鞋一樣。

其實我唔知道原因何在，

所以當有朋友問起的時候便胡亂編了幾個理由出來 (當然都係事實)，

順道用來說服自己。

然後有一天早上媽媽忽然對我說: "跑步好呀!!! 幫你揾番啲鬥志返來呀~~"

忽然驚醒，原來一早被別人看穿我的鬥志鬥心已被磨滅得一乾二淨，

想當初從前的我係幾咁爆炸性!!!!

原來當潛意識要自己去面對啲唔鍾意or唔想做的事情時，

就係要去克服和解決面前的困境，無論任何事。

i've got it!!!!!

最終回...

每套戲終會有落幕的時候，

而我的昨天已正式落畫。

不想怨懟任何人，

終究只能說緣份不夠。

.

一向有自我管理情緒的習慣，

實在無法跟其他人一樣隨著指責吵鬧而發洩。

盡量放在心底最深深處，

不要觸摸它，

自有痊癒的一天。

.

堅忍確是我最後一道防線，

請大家不要衝破它。

.

還是我運氣一向不濟吧??!

能夠遇到"真正"愛自己的伴侶實在很難.......

my 1st tole paint "teddy bear chair" ~ 07jun11

很多年沒有提起畫筆了。

所以第一次跟老師學tole paint有點力不從心。

是心情影響或是其他原因??

.

不知道。

.

不過我開始有點喜歡tole paint。

再次喜歡靜靜的作畫。

下次決定要畫磨菇。

愛上韓劇 "最佳愛情"

最近愛看韓劇 "最佳愛情"。

在愁緒心情下感到一點點安慰。

其實韓國愛情喜劇能夠俘虜萬千女人心有其一定理由。

因為現實中永遠都不會遇到。

只能在幻想中迷戀一番。